అమ్మా! మరింకెలా రాసేదమ్మా? నీ ప్రేమను పోల్చే కవిత్వం...
గుండెల్లో పొంగుతున్న భావం , కాగితం మీద మాత్రం కదలనంటోందమ్మ, ఎందుకంటే, నీ సుగుణాల్ని పోల్చగల వస్తువేదీ కనిపెట్టలేదా బ్రహ్మ; నీ నిర్విరామ ఓరిమినెలా పోల్చనమ్మా? అందలేదే నీ సహనాన్ని ఆ నేలమ్మ; నీ హృదయాలయాల చల్లదనాన్ని తాకలేదే ఆ హిమాలయాల చెమ్మ; నీ వెచ్చని కౌగిలింతని సరితూగదే ఆ వెండి వెన్నెలమ్మ; నీ కమ్మని కారపు ముద్దని పోల్చ ఏ అమృతం సరిపోయెనమ్మ? ఏ మహాకావ్యం లో చదవాలమ్మా నీ త్యాగాన్ని తెలిపే భావం? ఏ భాష లో రాసారమ్మ నీ రాగాన్ని తేలిపే భాష్యం? ఏ నిఘంటువులో వెతికేనమ్మ నీ నిస్వార్ధాన్ని నిర్వచించే పదం? మరింకెలా రాసేదమ్మా? నీ ప్రేమను పోల్చే కవిత్వం...